Destinos Euskadi turismo irisgarri eta inklusiboaren aldeko apustua egiten du, pertsona guztiek bere hiriez, paisaiez, baliabide kulturalez eta naturaguneez autonomia eta erosotasun handiagoz gozatu ahal izan dezaten.
Bilbao, Vitoria-Gasteiz, Donostia/San Sebastián, Zarautz eta Hondarribia-Irun etengabe ari dira lanean beren zerbitzuen eta baliabide turistikoen irisgarritasuna hobetzeko, bidaia-esperientzia gero eta errazagoa, abegikorragoa eta irisgarriagoa izan dadin pertsona guztientzat.
Irisgarritasuna ikuspegi unibertsaletik ulertzen da, mugikortasunarekin, ikusmenarekin, entzumenarekin, informazioa ulertzearekin eta bidaian zehar sor daitezkeen beste laguntza-behar batzuekin lotutako alderdiak kontuan hartuta. Horregatik, kultura-espazio, ostatu, turismo-bulego, garraiobide eta intereseko baliabide ugarik neurriak txertatzen dituzte publiko anitzak haietaz gozatu ahal izateko.
Zure bisitaren aurretik, baliabide edo jarduera bakoitzaren informazio espezifikoa kontsultatzea gomendatzen dizugu, eskuragarri dauden irisgarritasun-zerbitzuak ezagutzeko eta zure esperientzia erosotasun handiagoz planifikatzeko.
Izan ere, gure helmugak ezagutzea pertsona guztiekin partekatu nahi dugun esperientzia da, oztoporik gabe eta gozamenerako, autonomiarako eta ongizaterako bermerik handienekin.